SARBOZ KO‘CHASIDA O‘RGANISH ISHLARI AMALGA OSHIRILDI

 SARBOZ KO‘CHASIDA O‘RGANISH ISHLARI AMALGA OSHIRILDI 

Xalq deputatlari Quva tuman Kengashi deputati А.Мўминов, Kengash huzuridagi Yoshlar maslahat guruhi a’zosi J.Abdurashidov hamda tuman Kengashi
kotibiyati bosh mutaxassisi A.Fozilov tomonidan Qorashoh mahalla fuqarolar yig‘inida manzilli o‘rganish ishlari amalga oshirildi. 

  

O‘rganish jarayonida Xalq deputatlari Quva tuman Kengashi sessiyasida muhokama qilinishi rejalashtirilgan masala doirasida “Farg‘ona tozalik sanitar
servis” MChJ Quva tuman filiali tomonidan mahallada ko‘rsatilayotgan sanitariya xizmatlari, maishiy chiqindilarni yig‘ish va olib chiqish ishlari hamda mavjud муаммолар o‘rganildi. 

  

Shuningdek, deputat Sarboz ko‘chasida ko‘chaboshi Q.Qurbonov va mahalla aholisi bilan uchrashib, fuqarolarni qiynayotgan muammolar yuzasidan suhbatlashdi.

Muloqot davomida chiqindilarni olib chiqish xizmatini yanada yaxshilash zarurligi yuzasidan taklif va murojaatlar bildirildi. 

  

O‘rganish yakunida fuqarolar tomonidan ko‘tarilgan masalalar “Deputatning ko‘cha aylanish daftari”ga qayd etildi. Aniqlangan muammolarni bartaraf etish
yuzasidan mas’ul tashkilotlarga tegishli taklif va tavsiyalar berilib, ularning ijrosi deputatlik nazoratiga olindi.