САЙЛОВЧИЛАР БИЛАН УЧРАШУВ:

Жорий йилнинг 15 январь куни тумандаги "Янги куч" маҳалласида ҳудуддан сайланган депутат Б.Ташанов ва халқ депутатлари туман Кенгаши котибияти мудири З.Қудратов аҳоли ва сайловчилар билан учрашди. Учрашув давомида йиғилганларга бугунги кунда юртимизда аҳолининг турмуш даражасини яхшилаш борасида амалга оширилаётган ислоҳотлар тўғрисида маълумот бериб ўтилди. Шунингдек ҳудуддаги аҳолини қийнаётган муаммолар юзасидан мурожаатлар тингланиб, муаммолар юзасидан тегишли тартибда депутатлик сўровлари киритилиши маълум қилинди ҳамда тегишли тавсиялар берилди.