Депутат_мәҳалледе

♻️ Халық депутатлары Шымбай районлық Кеңеси баслығы О.Толыбеков өзи сайланған «Темир жол гүзары» МПЖ аймағында болып, көше бийлери ҳәм белсенди ҳаял-қызлар менен ушырасты.

✅ Ушырасыўда Өзбекстан Республикасы Президентиниң 2026-жыл 16-июль күнги кеңейтирилген видеоселектор мәжилисинде белгилеп берилген әҳмийетли тапсырмалардың мазмун-мәниси ҳәм де жақын күнлер ишинде аймақта әмелге асырылатуғын илажлар режеси кеңнен түсиндирилди. Атап айтқанда, Өзбекстан Республикасы ғәрезсизлигиниң 35 жыллық байрамы алдынан мәмлекетимиз бойлап «Мәҳәлледе абаданлық ҳәм мийрим-шәпәәт айлығы»н жоқары көтеринки кейпиятта өткериў мәселесине айрықша итибар қаратылды. Соның менен бирге, аймақтағы ҳәр бир көшеде тазалық, абаданластырыў ҳәм дөретиўшилик жумысларын жеделлестириў бойынша анық ўазыйпалар белгилеп берилди. Бул қайырлы ислерге кең жәмийетшиликти, соның ишинде, аймақ нураныйларының бай өмирлик тәжирийбесинен пайдаланыў, ҳаял-қызлардың белсендилигин арттырыў зүрурлиги атап өтилди.

✍️ Ушырасыў соңында қатнасыўшылар тәрепинен билдирилген усыныслар тыңланып, аймақты раўажландырыў бойынша әмелий илажлар режелестирилип алынды.