Депутат_мәҳәлледе

♻️ Xalıq deputatları Shımbay rayonlıq Keńesi baslıǵı O.Tolıbekov aymaqlarda puqaralar menen ushırasıp, olardıń sociallıq máselelerin unamlı sheshiw boyınsha ámeliy jumıslar alıp barmaqta.

Puqaralardıń múrájatları menen islesiw, xalıqtı qıynap kiyatirgen mashqalalardı orınlarda úyrenip, óz waqtında sheshimin tabıw búgingi kúnniń tiykarǵı baǵdarlarınan biri bolıp esaplanadı. Xalıq deputatları Shımbay rayonlıq Keńesi baslıǵı O.Tolıbekovtıń «Temir jol gúzarı» MPJ aymaǵında bolıp ótken gezektegi ushırasıwı da usı maqsetke qaratıldı.

✅ Ushırasıwda «Temir jol gúzarı» MPJ aymaǵı turǵını Jollıbekova Zlixanıń turaq-jay máselesinde ámeliy járdem sorap etken múrájatı sol orınnıń ózinde kórip shıǵılıp, unamlı sheshim taptı. Nátiyjede, puqara Z.Jollıbekova «Temir jol gúzarı» MPJ aymaǵı Qumay qus kóshesinen waqtınsha turaq-jay imaratı menen támiyinlendi.

✍️ Ámelge asırılıp atırǵan bul jumıslar xalıqtıń hár bir múrájatı itibar orayında ekenligin, al jergilikli Keńes deputatları xalıq mashqalaların sheshiwde haqıyqıy kómekshi bolıp atırǵanlıǵın kórsetedi.