#rasmiy #sessiya

Sessiya ishida Toshkent viloyati hokimi Zoyir Mirzayev shaharni ijtimoiy-iqtisodiy rivojlantirish bo‘yicha navbatdagi muhim vazifalar yuzasidan ma’ruza qildi.

Sessiyada tashkiliy masala ko‘rib chiqildi.

Shahar hokimi lavozimida ishlab kelgan Xamdamov Qobil Murodqulovich boshqa ishga o‘tishi munosabati bilan egallab turgan lavozimidan ozod etildi.

Zoyir Mirzayev Olmaliq shahar hokimi lavozimiga shu vaqtga qadar Toshkent viloyati Ekologiya, atrof-muhitni muhofaza qilish va iqlim o‘zgarishi boshqarmasi boshlig‘i lavozimida ishlab kelgan Meliyev Barhayot Baxtiyorjonovich nomzodini tavsiya qildi.

Xalq deputatlari Olmaliq shahar Kengashi deputatlari tomonidan Meliyev Barhayot Baxtiyorjonovich Olmaliq shahar hokimi etib tasdiqlandi.