Sa’diy Sheroziy mahallasidagi bolalar maydonchasini ta’mirlash masalasi o‘rganildi

O‘rganish davomida mahalla aholisi tomonidan bolalar maydonchasining eskirgani, ayrim o‘yin jihozlarini ta’mirlash, hududni obodonlashtirish hamda bolalar uchun xavfsiz sharoit yaratish zarurligi yuzasidan murojaatlar bildirildi.

Deputat fuqarolar tomonidan ko‘tarilgan masalalarni bevosita joyida ko‘zdan kechirib, bolalar maydonchasini ta’mirlash, mavjud o‘yin qurilmalarini yangilash hamda hududni obodonlashtirish yuzasidan tegishli mutasaddi tashkilotlar bilan muhokamalar olib bordi.

Bildirilgan murojaatlar yuzasidan amaliy choralar ko‘rish, zarur hollarda tegishli tashkilotlarga deputatlik so‘rovi yuborish hamda masala ijrosini deputatlik nazoratiga olish belgilandi.

Fuqarolar murojaatlarini o‘z vaqtida hal etish va mahalladagi ijtimoiy infratuzilmani yaxshilash bo‘yicha ishlar izchil davom ettirilmoqda.

Xalq deputatlari Samarqand shahar Kengashi