BESHQAYRAG‘OCH MAHALLASIDA BOLALAR UCHUN QULAY MUHIT YARATISH MASALASI O‘RGANILDI

#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi

BESHQAYRAG‘OCH MAHALLASIDA BOLALAR UCHUN QULAY MUHIT YARATISH MASALASI O‘RGANILDI

🇺🇿 Xalq deputatlari Uchtepa tumani Kengashining "7-Beshqayrag'och" okrugi deputati Xaydarova Ziyoda Tolipovna tashabbusi bilan Beshqayrag‘och mahallasida Kengash deputatlarining 24 ta tavsiyaviy savolnomasida belgilangan vazifalar asosida hududdagi bolalar maydonchalari va bolalar uchun yaratilgan sharoitlar o‘rganildi.

🕯 O‘rganish davomida 450-sonli davlat maktabgacha ta’lim tashkiloti oldi, To‘qimachi ko‘chasi bo‘yidagi bolalar uchun mo‘ljallangan hududning holati ko‘zdan kechirildi. Mazkur hududni obodonlashtirish, mavjud sharoitlarni yaxshilash hamda bolalar uchun zamonaviy va xavfsiz maydoncha tashkil etish zarurligi qayd etildi.

💬 Shuningdek, hududni zamonaviy bolalar o‘yingohlari, xavfsiz o‘yin moslamalari va sport jihozlari bilan ta’minlash, bolalarning bo‘sh vaqtini mazmunli o‘tkazishi uchun qulay sharoit yaratish masalalari muhokama qilindi.

📈 Aniqlangan masalalarni hal etish maqsadida deputat tomonidan tegishli tartibda O‘zbekiston mahallalari uyushmasining tuman bo‘limiga murojaat kiritish va zarur ishlarni mahalla mablag‘lari hisobidan amalga oshirish imkoniyatlarini ko‘rib chiqish belgilandi. Mazkur masala deputatlik nazoratiga olinib, ishlarning bajarilishi yuzasidan o‘rganishlar davom ettiriladi.