МАҲАЛЛАДА ОБОДОНЛАШТИРИШ ВА ТОЗАЛИК ИШЛАРИ ТАШКИЛ ЭТИЛДИ

МАҲАЛЛАДА ОБОДОНЛАШТИРИШ ВА ТОЗАЛИК ИШЛАРИ ТАШКИЛ ЭТИЛДИ
Халқ депутатлари Янгиқўрғон тумани Кенгаши депутати Ёқубжонов Жаҳонгир Зокиржонович ташаббуси билан сайлов округида жойлашган маҳаллада кенг кўламли ободонлаштириш ва тозалик ишлари ташкил этилди.
Тадбир давомида маҳалла ҳудудидаги кўчалар, йўл ёқалари ва умумий фойдаланишдаги жойлар тартибга келтирилди. Тўпланиб қолган маиший ва бошқа чиқиндилар йиғилиб, махсус транспорт воситалари ёрдамида ҳудуддан олиб чиқилди.
Шунингдек, атроф-муҳитни озода сақлаш, санитария ҳолатини яхшилаш ҳамда аҳоли учун тоза, обод ва қулай яшаш муҳитини яратишга алоҳида эътибор қаратилди.
Депутат томонидан маҳаллада ободонлаштириш ишларини мунтазам давом эттириш, чиқиндиларнинг белгиланмаган жойларга ташланишининг олдини олиш ҳамда ҳудуд тозалигини доимий назорат қилиш юзасидан тегишли тавсиялар берилди.
Бундай амалий тадбирлар маҳалланинг обод қиёфасини янада яхшилаш, аҳоли ўртасида тозалик маданиятини юксалтириш ва яшаш шароитларини яхшилашга хизмат қилади.