Mahalliy Kengash deputatlari faoliyatining eng muhim yo‘nalishlari bo‘yicha 24 tavsiya asosida amaliy ishlar davom etmoqda.

Xalq deputatlari Andijon shahar Kengashi deputati T. Israilova tashabbusi bilan “Barkamol” MFYda tomorqa yerlaridan samarali foydalanish va oilalar daromadini oshirishga qaratilgan amaliy ishlar olib borildi.

Tadbir davomida mahalla hududidagi xonadonlardan birining tomorqasiga sarimsoqpiyoz va piyoz ekilib, ekin maydonlaridan unumli foydalanish bo‘yicha amaliy ko‘mak ko‘rsatildi.

Shuningdek, aholi bilan muloqot qilinib, tomorqachilikni rivojlantirish, bo‘sh yer maydonlaridan oqilona foydalanish hamda xonadonlar obodligini ta'minlash yuzasidan tavsiyalar berildi.

Bu kabi amaliy ishlar 24 tavsiya doirasida aholi bandligini qo‘llab-quvvatlash, oilalar farovonligini oshirish va mahallalarda obod muhitni mustahkamlashga xizmat qilmoqda.