Kengash_faoliyati

#24_ta_masala

🏛 #_Davlat dasturlari ijrosi DEPUTAT_NAZORATIDA

Bandixon tumanining eng chekka hududlaridan biri — Quduqsoy mahallasida bunyodkorlik ishlari izchil davom etmoqda.

✅O‘zbekiston Respublikasi Prezidentining 2025-yil 24-dekabrdagi PQ-393-sonli qarori ijrosi doirasida Quduqsoy MFYdagi 33-sonli umumta’lim maktabida keng ko‘lamli qurilish va rekonstruksiya ishlari olib borilmoqda.

✅Bugun Xalq deputatlari Bandixon tumani Kengashi deputati G.Xolmatova hamda tuman Kengashi kotibiyati bosh mutaxassisi E.Eshonqulov qurilish obyektida bo‘lib, ishlarning borishi, sifati va belgilangan muddatlarda amalga oshirilishini o‘rgandi.

✅Ayni paytda umumiy qiymati 3 milliard 300 million so‘m bo‘lgan, 240 o‘rinli zamonaviy maktab binosi bunyod etilmoqda. Qurilish ishlari jadal sur'atlarda davom etmoqda.

Yangi ta'lim maskani nafaqat Quduqsoy mahallasi, balki butun hudud yoshlarining sifatli ta'lim olishi uchun munosib sharoit yaratadi. Bugungi bunyodkorlik ishlari — ertangi kun taraqqiyoti va farzandlarimizning porloq kelajagiga xizmat qiladigan muhim qadamlardandir.