Xalq deputatlari Boyovut tumani Kengashi

Xalq deputatlari Boyovut tumani Kengashi deputati Olimjon Jumanazarov ishtirokida "Deputat bilan bir kun" loyihasi doirasida o‘rganish ishlari olib borildi.

Loyiha doirasida deputat Muqimiy mahallasida joylashgan 12-sonli umumiy o‘rta ta’lim maktabida amalga oshirilayotgan qurilish va ta’mirlash ishlari bilan yaqindan tanishdi.

O‘rganish davomida 640 o‘quvchiga mo‘ljallangan mazkur ta’lim muassasasida olib borilayotgan qurilish ishlari jadal sur’atlarda davom etayotgani, obyektni joriy yilning 20-avgust sanasiga qadar yakunlash hamda yangi 2026–2027-o‘quv yili boshlanishiga qadar foydalanishga topshirish rejalashtirilgani ma’lum qilindi.

Deputat tomonidan qurilish ishlari sifati, belgilangan muddatlarga rioya etilishi hamda o‘quvchilar uchun zamonaviy va qulay ta’lim muhitini yaratish masalalariga alohida e’tibor qaratildi. Shuningdek, mas’ullarga ishlarni belgilangan muddatda va sifatli yakunlash yuzasidan tegishli tavsiyalar berildi.