ÓzLiDeP partiyası wákilleri rayonlıq veterinariya bóliminiń jumısın úyrendi

ÓzLiDeP partiyası wákilleri rayonlıq veterinariya bóliminiń jumısın úyrendi

⚡️ Ózbekstan Respublikasınıń 2015-jıl 29-dekabr kúngi "Veterinariya haqqında"ǵı ózgerisler hám qosımshalar kirgiziw haqqında ÓRN-397-sanlı Nızamı tiykarında, ÓzLiDeP partiyası rayonlıq Keńesiniń wákilleri tárepinen Shımbay rayondaǵı Veterinariya hám sharwashılıqtı rawajlandırıw bóliminiń jumısı úyrenildi.
Úyreniw dawamında xalıqqa kórsetilip atırǵan veterinariya xızmetleriniń sapası, sharwa malları arasında keselliklerdiń aldın alıw, profilaktikalıq shanshıw jumıslarınıń shólkemlestiriliwi, epizootiyalıq jaǵdaydıń turaqlılıǵın támiyinlew hám tarawda ámelge asırılıp atırǵan reformalar menen tanıstı.

Sonday-aq, veterinariya punktleriniń materiallıq-texnikalıq támiynatı, qánigelerdiń jumıs islewi hám xalıqtıń múrájatları menen islesiw jaǵdayı da hár tárepleme kózden ótkerildi.

Úyreniw juwmaqları boyınsha anıqlanǵan ayırım kemshiliklerdi saplastırıw, xızmetlerdiń sapasın bunnan bılay da arttırıw jáne xalıqqa qolaylı hám nátiyjeli veterinariya xızmetlerin shólkemlestiriw boyınsha tiyisli usınıslar berildi.

Xalıq deputatları Shımbay rayonlıq Keńesi