Deputat A. Ergashev sayyor uchrashuvda mahalla muammolarini o‘rgandi

Xalq deputatlari Oltiariq tuman Kengashi deputati A.Ergashev tomonidan 1-umumtaʼlim maktabida oʻtkazilgan uchrashuv davomida mahalla faollari va koʻchaboshilar tomonidan hududdagi mavjud muammolar oʻrganildi. Jumladan, Besh ogʻayni koʻchaboshisi O. Teshaboev tomonidan mahalla hududidan ichimlik suvi tarmogʻi tortilishi jarayonida asfalt qoplamasi qazilgani, hozirgi kunda mazkur qismni qayta asfaltlash zarurligi yuzasidan murojaat bildirildi. Mazkur masala deputat daftariga qayd etilib, uni ijobiy hal etish maqsadida tegishli mutasaddi tashkilotlarga deputatlik soʻrovi kiritish yuzasidan zarur choralar koʻrilishi belgilandi.