Xalq deputatlari Oqoltin tuman Kengashi

AHOLIGA KO‘RSATILAYOTGAN TIBBIY XIZMATLAR O‘RGANILDI

Xalq deputatlari Oqoltin tumani Kengashi deputatlari Sh.Eshbayev, G.Qorayeva, Y.Berdiyarov hamda N.Turdiyevlar tomonidan tuman Tibbiyot birlashmasida aholiga ko‘rsatilayotgan tibbiy xizmatlarning sifati o‘rganildi.

O‘rganish davomida deputatlar davolanayotgan bemorlar bilan bevosita muloqot qilib, ularga yaratilgan sharoitlar, tibbiy xizmat ko‘rsatish sifati hamda mavjud muammo va takliflar yuzasidan suhbatlashdilar. Shuningdek, aniqlangan kamchiliklarni bartaraf etish hamda tibbiy xizmat sifatini yanada oshirish bo‘yicha mas'ullarga tegishli tavsiya va ko‘rsatmalar berildi.

Deputatlar tomonidan bu kabi o‘rganishlar aholining sifatli va zamonaviy tibbiy xizmatlardan foydalanishini ta'minlash hamda fuqarolar murojaatlariga o‘z vaqtida yechim topish maqsadida izchil davom ettiriladi.