Ishimlik suw tarmaqları jaqsılanbaqta

Ishimlik suw tarmaqları jaqsılanbaqta

♻️ Xalıq deputatları Shımbay rayonlıq Keńesi sekretariat baslıǵı M.Zarikeev “Kónshi” máhállesinde ámelge asırılıp atırǵan jańa ishimlik suwı tarmaǵınıń qurılıs jumısları menen tanıstı. Úyreniw dawamında qurılıs procesi, joybardıń barısı, qubırlardı jatqarıw sapası hám belgilengen múddetlerde jumıslardı juwmaqlaw máseleleri úyrenildi.

Úyreniwler dawamında juwapker shólkem wákilleri menen sáwbet ótkerilip, qurılıs jumıslarınıń búgingi jaǵdayı, xalıqtı sapalı hám úzliksiz ishimlik suwı menen támiyinlew boyınsha ámelge asırılıp atırǵan jumıslar dodalandı. Sonday-aq, xalıq tárepinen bildirilgen pikir-usınıslar tıńlandı.

Bul joybardıń tolıq ámelge asırılıwı máhálle xalqın taza hám qáwipsiz ishimlik suwı menen támiyinlew, olardıń turmıs sharayatın jaqsılaw hám infrastrukturanı rawajlandırıwǵa xızmet etetuǵını atap ótildi.

Anıqlanǵan máseleler boyınsha tiyisli shólkemlerge zárúr usınıslar berildi hám qurılıs jumıslarınıń barısı deputat tárepinen turaqlı qadaǵalawǵa alınatuǵını atap ótildi.

Xalıq deputatları Shımbay rayonlıq Keńesi