Aymaqtaǵı ishki jollardı asfaltlaw jumısları úyrenildi.

Xalıq deputatları Taxtakópir rayonlıq Keńesine ÓzLiDEP partıyasınan deputat N.Azbergenov, «Marjankól» MPJ aymaǵında alıp barılıp atırǵan ishki jollardı asfaltlaw jumıslarınıń barısın úyreniw maqsetinde orınǵa bardı.
Úyreniw dawamında deputat aymaqta júrgizilip atırǵan qurılıs hám abadanlastırıw jumısları menen jaqınnan tanısıp, asfaltlaw jumıslarınıń sapası, qollanılıp atırǵan materiallar hám jumıslardıń belgilenǵen reje tiykarında orınlanıw jaǵdayların úyrendi. Sonıń menen birge, jumıslardı alıp barıp atırǵan qániygeler menen sáwbetlesip, jobalardıń áhmiyeti hám keleshektegi nátiyjeleri boyınsha pikir almastı.
Búgingi kúnde «Marjankól» MPJ aymaǵında alıp barılıp atırǵan asfaltlaw jumısları aymaqtıń infrastrukturasın rawajlandırıw, xalq ushın qolaylı turmıs sharayatların jaratıw hám abadanlastırıw islerin jańa basqıshqa alıp shıǵıwda. Bul sıyaqlı ámeliy jumıslar turǵınlardıń turmıs dárejesin joqarılatıw menen birge, aymaqtıń jámiyetlik-ekonomikalıq rawajlanıwına da úles qospaqta.