DEPUTATLIK NAZORATI

Xalq deputatlari Oltinsoy tuman Kengashining 16-“Mo‘minqul” saylov okrugidan saylangan deputat R.Qodirovning saylov okrugi hududida amalga oshirilgan Dastur doirasidagi loyiha obyektlari joyiga chiqqan holda o‘rganildi.

O‘rganishda Oliy Majlis Qonunchilik palatasi deputati A.Eshboyev, Xalq deputatlari Oltinsoy tuman Kengashi kotibiyatining bosh mutaxassisi A.Esanov hamda mutasaddi tashkilotlar vakillari ishtirok etdi.

Nazorat tadbiri davomida Mo‘minqul mahallasida barpo etilgan suv nasosi faoliyati, uning texnik holati, foydalanishga topshirilishi hamda aholini ichimlik suvi bilan ta’minlashdagi samaradorligi o‘rganildi.

O‘rganish yakunlari bo‘yicha aniqlangan holatlar yuzasidan mas’ullarga tegishli tavsiyalar va topshiriqlar belgilandi.