Deputat máhálledegi ishimlik suwı tarmaǵınıń avariyalıq jaǵdayın úyrendi

Deputat máhálledegi ishimlik suwı tarmaǵınıń avariyalıq jaǵdayın úyrendi

♻️ Xalıq deputatları Shımbay rayonlıq Keńesi 18-sanlı “Qırıq qız” saylaw okrugi “Adolat” social-demokratik partiyası deputatı S.Abdieva hám sekretariat bas qániygesi Sh.Ametov “Jipek jolı” MPJ aymaǵındaǵı Ernazar alakóz kóshesindegi ishimlik suwı tarmaǵınıń avariyalıq jaǵdayın ornına shıǵıp úyrendi.

Úyreniw dawamında bar nasazlıqlar, olardıń xalıqtıń ishimlik suwı támiynatına tásiri hám mashqalanı saplastırıw boyınsha ámelge asırılıwı kerek bolǵan ilajlar dodalandı.

Deputat anıqlanǵan kemshiliklerdi saplastırıw boyınsha tiyisli juwapker shólkemlerge usınıslar beriletuǵının hám máseleniń orınlanıwı deputatlıq qadaǵalaw astında alıp barılatuǵının atap ótti.