Deputat D. Maxmudova O‘zbekiston Respublikasining Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida ”gi №O‘RQ-415 sonli Qonuniga asosan okrug mahallalarida nogironligi mavjud shaxslarga davlat tomonidan berilgan imtiyozlarning to‘g‘ri qo‘llanilishi holati bilan tanishdi.

Xalq deputatlari Chilonzor tumani Kengashining 5-Charx Kamolon saylov okrugi deputati Maxmudova Donoxon Artikovna tomonidan 2-Charx Kamolon hamda 3-Charx Kamolon mahalla fuqarolar yig‘inlarida nogironligi bo‘lgan shaxslarga davlat tomonidan belgilangan imtiyoz va ijtimoiy kafolatlarning amaldagi qonunchilik talablariga muvofiq qo‘llanilishi holati bilan tanishildi.

Tashrif davomida nogironligi bo‘lgan fuqarolarni ijtimoiy qo‘llab-quvvatlash borasida amalga oshirilayotgan ishlar, ularga ko‘rsatilayotgan ijtimoiy xizmatlar, davlat tomonidan ajratilgan imtiyoz va yengilliklardan foydalanish holati, reabilitatsiya vositalari hamda boshqa ijtimoiy yordam turlarining o‘z vaqtida va qonunchilikka muvofiq yetkazilishi yuzasidan mas’ul xodimlarning ma’lumotlari tinglandi.

Shuningdek, nogironligi bo‘lgan shaxslarning murojaatlari bilan ishlash tizimi, ularning ijtimoiy hayotdagi faolligini qo‘llab-quvvatlash, bandligini ta’minlash hamda huquq va qonuniy manfaatlarini himoya qilish borasida amalga oshirilayotgan chora-tadbirlar muhokama qilindi.

Yakunida aniqlangan masalalar yuzasidan tegishli mutasaddi tashkilotlar bilan hamkorlikni yanada kuchaytirish, mavjud kamchiliklarni bartaraf etish hamda nogironligi bo‘lgan shaxslarning ijtimoiy himoyasini yanada mustahkamlash bo‘yicha tegishli tavsiya va takliflar bildirildi.