Saylovchilar bilan ochiq muloqot o‘tkazildi

Xalq deputatlari Jondor tumani Kengashiga 13-Chorzona saylov okrugidan saylangan deputat I.Xolov hamda tuman Kengashi kotibiyati bosh mutaxassisi R.Murodov hamkorligida Chorzona mahallasi saylovchilari bilan uchrashuv o‘tkazdi.
🔹Uchrashuv davomida fuqarolarning ijtimoiy-iqtisodiy masalalar, kommunal xizmatlar, infratuzilmani yaxshilash va boshqa dolzarb yo‘nalishlarga oid murojaat hamda takliflari tinglandi. Ko‘tarilgan masalalar yuzasidan tegishli tushuntirishlar berildi, hal etilishi lozim bo‘lgan murojaatlar esa nazoratga olinib, mas’ul tashkilotlarga yo‘naltirilishi belgilandi.
🔹Bunday ochiq muloqotlar aholi bilan samarali hamkorlikni mustahkamlash, saylovchilarning muammolarini o‘z vaqtida o‘rganish va ularning yechimiga ko‘maklashishda muhim ahamiyat kasb etadi.