Xalq deputatlari Toyloq tumani Kengashi deputati Lobar Muminova hamda Xalq demokratik partiyasi faollari “Ilk rivojlanish markazi”da bo‘lishdi.

 Joriy yilning 13-dekabr sanasida Prezident Shavkat Mirziyoyev raisligida ijtimoiy himoya sohasida amalga oshirilgan ishlar va 2025 yildagi ustuvor vazifalar yuzasidan o‘tkazilgan videoselektor yig‘ilishida nogironligi bor bolalar tengdoshlari qatori bog‘cha va maktablarda o‘qishi naqadar muhim ekani, bu borada Toyloq tajribasini ommalashtirish muhimligini ta’kidlagan edi. Ushbu tajribada tumanda Jahon banki bilan tashkil etilgan “Ilk rivojlanish markazi” nazarda tutilgan edi. 

    Bugun Toyloq tuman “Nuroniylar” jamoatchilik kengashi aʼzosi, Oʼzbekiston Xalq demokratik partiyasi tuman kengashi raisi Qahhor Nizomov hamda Xalq deputatlari tuman Kengashi deputatlari mazkur ta’lim tashkilotida bo‘lib, bolajonlar bilan uchrashishdi. Ular bilan suhbatlashib, ta’lim-tarbiya olish jarayonlari bilan tanishib, bolajonlarga sovg‘a-salom ulashishdi.