“Ko‘chama-ko‘cha deputat daftari” – fuqarolar muammolarini manzilli hal etishning samarali mexanizmi

📘 “Ko‘chama-ko‘cha deputat daftari” – fuqarolar muammolarini manzilli hal etishning samarali mexanizmi

📍 Mahallalarda aholini qiynayotgan muammolarni bevosita joyiga chiqqan holda aniqlash, ularning yechimini tizimli nazorat qilish hamda har bir murojaat bilan individual ishlash maqsadida “Ko‘chama-ko‘cha deputat daftari” amaliyotini joriy etish muhimligi alohida qayd etildi. Mazkur tashabbus fuqarolar bilan ochiq muloqotni kuchaytirish, mavjud muammolarni tezkor bartaraf etish va deputatlik nazoratini yanada samarali tashkil etishga xizmat qiladi.

📎 Shu munosabat bilan Xalq deputatlari Olmazor tuman Kengashining 4-Universitet saylov okrugi deputati Anvarxon Aminov tomonidan Deputat daftarida belgilangan tavsiyalar ijrosi yuzasidan "Orzu" MFYda o‘rganish ishlari amalga oshirildi. O‘rganish davomida mahalla “yettiligi” faoliyati bilan tanishilib, fuqarolar tomonidan bildirilgan murojaatlar ijrosi ko‘zdan kechirildi.

✍️ Xususan, yer ostidan o‘tgan elektr kabelini ta’mirlash ishlari, hududdagi yoritish tizimini tiklash bo‘yicha amalga oshirilgan ishlar, shuningdek, ijtimoiy xodim, yoshlar yetakchisi va xotin-qizlar faoli bilan birgalikda mahalladagi mavjud muammolar yuzasidan muhokamalar o‘tkazildi.

📝 Shuningdek, noqonuniy qurilmalarni bartaraf etish, buzilishi belgilangan savdo shoxobchalari bo‘yicha olib borilayotgan ishlar ham o‘rganilib, mas'ullarga amaldagi qonunchilik asosida tegishli topshiriq va tavsiyalar berildi.

📌 Fuqarolar murojaatlarida ko‘tarilgan masalalarning o‘z vaqtida va sifatli hal etilishi deputatlik nazoratida bo‘lib qoladi.