Kotib

Fuqarolar murojaatlariga asosan “Alpomish” mahallasi hududida ko‘chama-ko‘cha yurib, olib borilayotgan ta’mirlash ishlarining holati XDP Mirzo Ulug‘bek tumani Kengashi deputati Shoxzoda Kurbanova tomonidan joyiga chiqib o‘rganish ishlari olib borildi.

O‘rganishda mahalla hududida olib borilayotgan ta’mirlash ishlarining o‘z vaqtida tugatilishi, fuqarolarga yaratilayotan qulayliklar, mahalla infratuzilmasini yanada yaxshilash borasida amalga oshirilayotgan ishlar bilan yaqindan tanishdi.

Aholi tomonidan berilgan takliflar aylanish jurnalida qayd etilib, tegishli mutasaddi tashkilotlar bilan hamkorlikda ko‘rib chiqish hamda imkoniyatlardan kelib chiqib ijobiy hal etish yuzasidan zarur choralar ko‘rilishi ta’kidlandi.

Hududlarda olib borilayotgan bunday o‘rganishlar fuqarolarni qiynayotgan masalalarni joyida aniqlash, mavjud muammolarni tezkor bartaraf etish hamda mahallalarni yanada obod va qulay maskanga aylantirishga xizmat qiladi.