Xalq deputatlari Paxtakor tumani Kengashida doimiy komissiya yig‘ilishi bo‘lib o‘tdi

Xalq deputatlari Paxtakor tumani Kengashining navbatdagi sessiyasi oldidan Ijtimoiy soha, yoshlar siyosati, madaniyat va sport masalalari bo‘yicha doimiy komissiyaning navbatdagi yig‘ilishi bo‘lib o‘tdi.

Yig‘ilishda sessiya kun tartibiga kiritilgan masalalar dastlabki tartibda ko‘rib chiqildi. Jumladan, Paxtakor tuman tibbiyot birlashmasining 2026-yil II chorakdagi faoliyati, tizimda korrupsiyaviy omillarning oldini olish, amalga oshirilayotgan islohotlarni ommaviy axborot vositalari va internet tarmoqlari orqali yoritish holati, shuningdek, Xalq deputatlari tuman Kengashining 2022-yil 6-dekabrdagi VI-44-258-3-52-K/22-sonli qaroriga o‘zgartirish kiritish hamda tumanda xotin-qizlarni qo‘llab-quvvatlash borasida amalga oshirilayotgan ishlar muhokama qilindi.