Xalq deputatlari tuman Kengashi deputati U.Achilov hamda kotibiyat bosh mutaxassisi G.Abduvositovalar To‘rttol mahallasi raisi I.Raxmonov bilan birgalikda yangi ko‘prikda olib borilayotgan ishlar bilan tanishdilar.

 O‘rganish davomida ko‘prikning asosiy qurilish ishlari to‘liq yakunlangani, mazkur inshoot transport vositalari va fuqarolarning xavfsiz hamda qulay harakatlanishini ta’minlashga xizmat qilishi qayd etildi. Shuningdek, hozirgi kunda qurilishning yakuniy bosqichi doirasida yo‘l chetlariga beton himoya to‘siqlarini o‘rnatish hamda piyodalar uchun maxsus yo‘laklar barpo etish
ishlari olib borilishi belgilanganligi ta’kidlandi. Deputat tomonidan mazkur ishlarni sifatli va belgilangan muddatlarda yakunlash, qurilish jarayonida xavfsizlik hamda sifat talablariga qat’iy rioya etish, ushbu ko‘prikning ahamiyati haqida to‘liq ma’lumot berdi. Mazkur ko‘prik foydalanishga topshirilgach, ikki hudud aholisi uchun transport qatnovi va o‘zaro aloqalarni yanada qulaylashtirishga xizmat qilmoqda.