Jalaquduqda bog‘cha rekonstruksiyasi deputat nazoratida

               O‘zbekiston Respublikasi Prezidentining 2025-yil 27-dekabrdagi PQ-393-sonli qarori bilan tasdiqlangan 2025-2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish dasturi ijrosini ta’minlash maqsadida joylarda deputatlik nazorati olib borilmoqda. Xalq deputatlari Jalaquduq tuman Kengashi deputati E.Qurbonov “Yangisor” MFY hududidagi 15-sonli davlat maktabgacha ta’lim tashkilotida bo‘lib, u yerda olib borilayotgan rekonstruksiya ishlarining borishini o‘rgandi. O‘rganish davomida mazkur ta’lim maskanida qurilish-ta’mirlash ishlari belgilangan reja asosida, jadallik bilan olib borilayotganligi ma’lum bo‘ldi. Xalq vakili quruvchilar bilan suhbatlashib, ishlar sifati va muddatlariga alohida e’tibor qaratdi.