Deputat o‘ziga biriktirilgan tashkilotda nazorat tartibida o‘rganish o‘tkazdi.

O‘rganish davomida telekommunikatsiya infratuzilmasini modernizatsiya qilish, aholi va tashkilotlarni ma’lumotlarni uzatish, internet, IP-telefoniya va televizion translyatsiya xizmatlari bilan ta’minlash hamda raqamli texnologiyalarni joriy etish bo‘yicha amalga oshirilayotgan ishlar tahlil qilindi.
Ta’kidlash joizki, deputatlik nazorati tadbirlari qonunlar ijrosini ta’minlash, davlat organlari va tashkilotlari faoliyatining ochiqligi hamda hisobdorligini kuchaytirish, aholiga ko‘rsatilayotgan xizmatlar sifatini yaxshilash va fuqarolarning qonuniy huquq hamda manfaatlarini himoya qilishda muhim ahamiyat kasb etadi.