Deputat yoshlar siyosati ijrosi bilan tanishdi

Xalq deputatlari Qo‘shko‘pir tuman Kengashi deputati Z. Raximova
Bog‘zor mahallasida yoshlar yetakchisining faoliyatini yaqindan o‘rgandi.

O‘rganish jarayonida mahallada davlat yoshlar siyosatini samarali amalga
oshirish, yoshlarning bandligini ta’minlash, ularning bo‘sh vaqtini mazmunli
tashkil etish, iqtidor va tashabbuslarini qo‘llab-quvvatlash hamda muammolarini
tizimli hal etish borasida olib borilayotgan ishlar yuzasidan atroflicha fikr
almashildi.

Deputat tomonidan yoshlar bilan ishlash samaradorligini yanada oshirish,
manzilli yondashuvni kuchaytirish hamda mahalla miqyosida amalga oshirilayotgan
loyihalar ijrosini izchil davom ettirish bo‘yicha tegishli tavsiya va takliflar
bildirildi. Ta’kidlanganidek, yoshlar manfaatlarini ta’minlash va ularning
jamiyatdagi faolligini oshirish ustidan deputatlik nazorati doimiy e’tiborda
bo‘ladi.