Senat Raisi boshchiligidagi ishchi guruh viloyatimizdagi tashrifi davomida yoshlar uchun yaratilgan imkoniyatlar va taʼlim tashabbuslari bilan tanishdi

Uchrashuvlar davomida yoshlarni har tomonlama qoʻllab-quvvatlash, ularning bilim va koʻnikmalarini oshirish, zamonaviy kasblarga yoʻnaltirish hamda intellektual salohiyatini rivojlantirish uchun yaratilgan shart-sharoitlar koʻrib chiqildi.

💬Qizlar odob-axloqi maktabida turli yosh toifalari uchun tashkil etilgan oʻquv dasturlari, etiket qoidalari, nutq madaniyati, raqamli muloqot, oila psixologiyasi, mehmonchilik va dasturxon odobi, shuningdek, stressni boshqarish boʻyicha nazariy va amaliy mashgʻulotlar bilan tanishildi.

💬Mashgʻulotlarda ishtirok etayotgan yoshlar bilan muloqot qilinib, ularning taʼlim jarayoni, qiziqishlari va kelgusidagi rejalari yuzasidan fikr almashildi.

💬Shuningdek, IT Park Surxondaryo viloyati filialida yoshlarni axborot texnologiyalari sohasida talab yuqori boʻlgan kasblarga oʻqitish, startap loyihalarini qoʻllab-quvvatlash, eksportbop raqamli xizmatlarni rivojlantirish hamda frilans faoliyati uchun yaratilgan imkoniyatlar taqdim etildi.

💬Yoshlar bilan ochiq muloqot davomida ularning tashabbuslari, innovatsion gʻoyalari va takliflari tinglandi hamda raqamli iqtisodiyotda munosib oʻrin egallashi uchun mavjud imkoniyatlardan samarali foydalanish muhimligi taʼkidlandi.