Saylovchilar bilan navbatdagi uchrashuv o‘tkazildi

Xalq deputatlari Qo‘qon shahar Kengashiga 26-"Yangi obod" saylov okrugidan saylangan deputat G.Payg‘amova tomonidan "To‘g‘onboshi" mahalla fuqarolar yig‘inida belgilangan reja-grafik asosida navbatdagi saylovchilar qabuli, uchrashuv va o‘rganish ishlari o‘tkazildi.

Uchrashuvni tashkil etishda Xalq deputatlari Qo‘qon shahar Kengashi kotibiyati bosh mutaxassislari X.Abdullayev va A.Adxamov tomonidan amaliy ko‘mak ko‘rsatildi.

Ochiq muloqot davomida mahalla aholisining murojaat va takliflari tinglanib, hududdagi mavjud ijtimoiy muammolar hamda ularni bartaraf etish yuzasidan atroflicha muhokamalar olib borildi. Fuqarolar tomonidan bildirilgan murojaatlar joyiga chiqib o‘rganish asosida ko‘rib chiqildi.

O‘rganish davomida "To‘g‘onboshi" MFY, Obod yurt ko‘chasi 2-uyda yashovchi fuqaro Ziyayeva Barno Baxodirovnaning uy-joyi ta’mirtalab ekani aniqlandi. Deputat tomonidan fuqaroning xonadoni joyiga chiqib ko‘zdan kechirilib, mavjud holat batafsil o‘rganildi.

Mazkur murojaat yuzasidan mutasaddi tashkilotlar bilan hamkorlikda fuqaroning uy-joyini ta’mirlash masalasini ijobiy hal etish bo‘yicha amaliy choralar ko‘rishga kelishib olindi. Ushbu masala deputat nazoratiga olinib, uning ijrosi yuzasidan tegishli ishlar olib borilishi belgilandi.

Xalq deputatlari Qo‘qon shahar Kengashi