Yangi tahrirdagi Konstitutsiyamiz – xalqimiz xohish-istaklari namoyon bo‘lgan tarixiy hujjatdir!

Termiz tumanida O‘zbekiston Respublikasi Konstitutsiyasining o‘ttiz ikki yilligi bayramiga bag‘ishlangan tantanali tadbir bo‘lib o‘tdi. Unda tuman Kengash raisi Shuhrat Nazarov ishtirok etib, tuman ahlini bayram bilan samimiy muborakbod etdi.

Tuman deputatlari, davlat va jamoat tashkilotlari rahbarlari, ishlab chiqarish, ijtimoiy va boshqa sohalar vakillari, faol yoshlar ishtirok etgan tadbirda Yangi tahrirdagi Konstitutsiyamiz Yangi O‘zbekiston strategiyasini amalga oshirishning siyosiy-huquqiy asoslarini yaratib, milliy davlatchilik taraqqiyotining tarixiy muhim bosqichida davlat va jamiyatni yanada rivojlantirishning ustuvor yo‘nalishlarini belgilab berganligi qayd etildi.

Tantanali tadbirda tuman madaniyat bo‘limi va musiqa maktabining san’atkorlari, iqtidorli yoshlar ijrosida Vatanni madh etuvchi kuy-qo‘shiqlar, sahna ko‘rinishlari hamda raqslar ijro etildi.