Davlat dasturlari ijrosi deputatlik nazoratida

Davlat dasturlari ijrosi deputatlik nazoratida

Xalq deputatlari Samarqand viloyati Kengashi deputati Quvondiq Yarashev tomonidan hududlarda amalga oshirilayotgan bunyodkorlik ishlari, xususan, davlat dasturlari doirasidagi loyihalar ijrosi o‘rganildi.

🏗 Deputat Samarqand davlat universitetining Urgut filialida barpo etilayotgan 1200 o‘rinli yangi o‘quv binosi qurilish jarayonlari bilan yaqindan tanishdi.

🔎 O‘rganish davomida qurilish ishlarining borishi, yaratilayotgan shart-sharoitlar hamda loyihaning belgilangan vazifalar asosida amalga oshirilayotgani ko‘rib chiqildi.

📚 Ta’kidlanganidek, mazkur yangi o‘quv binosining foydalanishga topshirilishi ta’lim sifatini yanada oshirish, talaba-yoshlar uchun zamonaviy va qulay ta’lim muhitini yaratish hamda hududda oliy ta’lim imkoniyatlarini kengaytirishda muhim ahamiyat kasb etadi.

🤝 Deputatlik nazorati doirasida bunday o‘rganishlar davlat dasturlarida belgilangan vazifalarning o‘z vaqtida va sifatli bajarilishini ta’minlashga xizmat qilmoqda.