Amir Temur ko‘chasidagi piyodalar yo‘lagida ta’mirlash ishlari o‘rganildi

Amir Temur ko‘chasidagi piyodalar yo‘lagida ta’mirlash ishlari o‘rganildi

Xalq deputatlari Navoiy shahar Kengashi deputati Xudayqulova Nargiza Gaybullaevna tomonidan Navoiy shahrida tasdiqlangan dasturiy rejalar ijrosi doirasida Amir Temur ko‘chasida piyodalar yo‘lagini ta’mirlash ishlari joyiga chiqib o‘rganildi.

Mazkur ishlar O‘zbekiston Respublikasi Prezidentining hududlarda infratuzilmani rivojlantirish, yo‘l-transport va piyodalar harakati xavfsizligini ta’minlashga qaratilgan tegishli qarorlari hamda mahalliy dasturlar ijrosi asosida amalga oshirilmoqda.

O‘rganish jarayonida piyodalar yo‘lagida olib borilayotgan ta’mirlash ishlari, qoplamalarni yangilash hamda fuqarolar uchun xavfsiz harakatlanish sharoitlarini yaratish holati ko‘zdan kechirildi.

Mazkur loyiha deputatlik nazoratiga olinib, hudud infratuzilmasini yaxshilash va aholi uchun qulay sharoit yaratishga xizmat qilishi ta’kidlandi.