Мирободда “Ёшлар куни”: Депутат талабалар билан учрашди

Давлатимиз Раҳбари томонидан жорий йилнинг 24 февраль куни ёшлар билан ўтказилган мулоқотда белгилаб берилган устувор вазифалар ва топшириқлар ижросини таъминлаш мақсадида, ҳар пайшанба куни юртимизда "Ёшлар куни" ўтказиб келинмоқда.

🗣️ Мазкур тизимли ишларнинг узвий давоми сифатида, "Мустақилликнинг 35 йиллиги — Янги Ўзбекистон ёшлари нигоҳида" шиори остида навбатдаги тадбирлар ташкил этилди. Ёшларда ватанпарварлик туйғусини юксалтириш ва уларни қийнаётган муаммоларни ҳал этиш мақсадида, Халқ депутатлари Миробод туман Кенгаши депутати, Тошкент давлат шарқшунослик университети ректори Г.Рихсиева талаба ёшлар билан уларнинг яшаш масканларга бориб, очиқ мулоқот ўтказди.

✔️ Учрашувдан кўзланган асосий мақсадлар:
📈 Илм ва касбга йўналтириш: Талабаларни таълим ва келажакдаги касбларига қатъият билан киришишларида ҳар томонлама кўмаклашиш;
💬 Ёзги таътилни мазмунли ташкил этиш: Ёшларнинг бўш вақтларини самарали ўтказиш тизимини яратиш;
✍️ Амалий ёрдам: Талабаларни ўз йўналишлари бўйича академик қўшимча таълимга ёки ҳақ тўланадиган муқобил амалиётларга жалб этиш таклифлари илгари сурилди.

📌 Очиқ ва самимий руҳда ўтган учрашув давомида ёшларнинг таклиф ва муаммолари тингланиб, уларни ҳал этиш бўйича зарур чора-тадбирлар белгилаб олинди.