Deputat máhállede sanitariya hám jámiyetlik salamatlıq máselelerin dodaladı

Deputat máhállede sanitariya hám jámiyetlik salamatlıq máselelerin dodaladı

♻️ Xalıq deputatları Shımbay rayonlıq Keńesi 15-sanlı “A.Nawayı” saylaw okrugi ÓzLIDEP partiyası deputatı G.Bayjanova “Abat mákán” mákán puqaralar jıyınında rayonlıq Sanitariya-epidemiologiyalıq tınıshlıq hám jámiyet salamatlıǵı orayı wákilleri menen ushırasıw ótkerdi.

Ushırasıw dawamında máhállede sanitariyalıq-gigienalıq jaǵdaydı jaqsılaw, túrli keselliklerdiń aldın alıw, xalıq arasında salamat turmıs tárizin keńnen úgit-násiyatlaw, ekologiyalıq mádeniyattı qáliplestiriw hám sanitariyalıq talaplarǵa ámel etiw máseleleri hár tárepleme dodalandı.

Deputat bunday ushırasıwlar xalıq penen ashıq qatnasıqtı bekkemlewge, máhállelerde sanitariyalıq hám jámietlik salamatlıqtı saqlaw boyınsha ámelge asırılıp atırǵan jumıslardıń nátiyjeliligin arttırıwǵa xızmet etetuǵının atap ótti.

Xalıq deputatları Shımbay rayonlıq Keńesi