Aziz vatandoshlar, muhtaram yurtdoshlar!

Davlatimiz gerbi — xalqimizning tinchliksevarlik, ezgulik va bunyodkorlik kabi olijanob qadriyatlarini hamda porloq kelajagimizni o‘zida mujassam etgan muqaddas timsoldir.

Gerbimiz — milliy o‘zligimiz va ozodligimiz ko‘zgusidir. Uni e'zozlash va hurmat qilish har birimiz uchun oliy burchdir. Ushbu muqaddas ramz qalblarimizda Vatanga bo‘lgan sadoqatni yanada yuksaltirsin!

Barchangizga sihat-salomatlik, xonadonlaringizga tinchlik va baraka tilayman. Yurtimiz tinch, mustaqilligimiz abadiy bo‘lsin!

Davlat gerbi kuni barchamizga muborak bo‘lsin!

Hurmat bilan,

 Xalq deputatlari Amudaryo tuman Kengashi raisi A. Yuldashev