Oltinsoy tumanida nazorat-tahlil tadbirlari o‘tkazildi

Tadbirda xalq deputatlari viloyat Kengashining 36-Katta Vaxshivor saylov okrugidan saylangan deputati A.Oripov, xalq deputatlari Oltinsoy tuman Kengashi raisi A.Turdiyev, tuman Kengashi kotibiyati mudiri M.Xujanov, mahalla faollari ishtirok etdi.

O‘rganishlar davomida mahalladagi “mahalla yettiligi” faoliyati hamda deputatlar faoliyatining eng muhim 24 ta yo‘nalishi asosida amalga oshirilayotgan ishlar atroflicha tahlil qilindi.

Shuningdek, hududdagi ijtimoiy muammolar, aholining ehtiyoj va takliflari, mavjud kamchiliklar o‘rganilib, ularni bartaraf etish yuzasidan tegishli chora-tadbirlar belgilab olindi.

Nazorat-tahlil tadbirlari jarayonida mahalladagi obodonlashtirish ishlari va infratuzilma holati joyiga chiqib ko‘zdan kechirildi. Aholi tomonidan ko‘tarilgan eng dolzarb masalalardan biri yo‘l infratuzilmasini yaxshilash ekani qayd etilib, ichki yo‘llarni ta’mirlash, tekislash hamda asfalt qoplamasi yotqizish bo‘yicha amalga oshirilayotgan ishlar o‘rganildi.

O‘rganish yakunida mahallada mavjud muammo va kamchiliklarni bartaraf etish, aholini qiynab kelayotgan masalalarga tezkor va samarali yechim topish yuzasidan mutasaddi tashkilotlar bilan tegishli vazifalar belgilab olindi.

✍️ Oltinsoy tumani Kengash Kotibiyati Axborot xizmati

🕊Telegram💬Facebook 🌐E-kengash 📸Instagram ▶️YouTube