Doimiy komissiya yig'ilishida Kengash qarori ijrosi va navbatdagi sessiya masalalari muhokama qilindi.

Xalq deputatlari G‘ozg‘on shahar Kengashining Mahalliy byudjet, iqtisodiy islohotlar, agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilishda doimiy komissiya a’zolari hamda tegishli tashkilotlar mas’ul xodimlari ishtirok etdi.

Muhokamalar davomida Xalq deputatlari G‘ozg‘on shahar Kengashining sessiyasida qabul qilingan 2026-yil mahalliy byudjet daromadlar rejasining ortiqcha bajarilgan qismi hisobidan qo‘shimcha mablag‘larni yo‘naltirish to‘g‘risidagi Kengash qarori ijrosi yuzasidan amalga oshirilayotgan ishlar atroflicha ko‘rib chiqildi. Qarorda belgilangan mablag‘larning maqsadli va samarali o‘zlashtirilishi, ajratilgan yo‘nalishlar bo‘yicha bajarilayotgan ishlar yuzasidan mas’ullarning axborotlari tinglandi.

Shuningdek, Xalq deputatlari G‘ozg‘on shahar Kengashining navbatdagi sessiyasi kun tartibiga kiritilishi rejalashtirilayotgan masalalar ham muhokama qilinib, ularni puxta tayyorlash, tegishli hujjatlarni belgilangan tartibda rasmiylashtirish hamda masalalar bo‘yicha asoslantirilgan takliflarni shakllantirish yuzasidan tegishli tavsiyalar berildi.
Yig‘ilish yakunida ko‘rib chiqilgan masalalar bo‘yicha doimiy komissiyaning tegishli qarori qabul qilinib, belgilangan vazifalar ijrosi nazoratga olindi.