Mahalla yettiligi xodimlari faoliyati deputatlar nigohida

Mahalla yettiligi xodimlari faoliyati deputatlar nigohida

Xalq deputatlari Toshkent viloyati Kengashi mas'ul hodimi H.Odilov, Xalq deputatlari O'rta Chirchiq tuman Kengashining 5-Farovon saylov okrugi deputati G'.Sadikov, tuman Kengashi kotibiyati mudiri B.Baxovadinovlar tomonidan "Mustaqillik" MFY mahalla yettiligi faoliyati samaradorligini oshirish, qonun hujjatlarida belgilangan vazifalar ijrosini ta’minlash hamda hududlarda olib borilayotgan ishlar holatini o‘rganish maqsadida joyiga chiqib o‘rganilmoqda.

O‘rganishlar “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun, “Fuqarolarning o‘zini o‘zi boshqarish organlari to‘g‘risida”gi Qonun, O‘zbekiston Respublikasi Prezidentining 2023-yil 21-dekabrdagi PF–209-son Farmoni hamda Vazirlar Mahkamasining 2024-yil 15-martdagi 137-son qarorida belgilangan vazifalar ijrosi doirasida tashkil etilmoqda.

Jarayon davomida mahalla raisi, xotin-qizlar faoli va soliq inspektori tomonidan amalga oshirilayotgan ishlar, fuqarolar murojaatlari bilan ishlash, ijtimoiy himoya, bandlikni ta’minlash, huquqbuzarliklarning oldini olish, xotin-qizlar va yoshlar bilan ishlash hamda hududni kompleks rivojlantirish borasidagi faoliyat tahlil qilinmoqda.

Aniqlangan kamchiliklarni bartaraf etish, faoliyat samaradorligini oshirish va aholi muammolarini o‘z vaqtida hal etish yuzasidan deputatlar tomonidan tegishli tavsiya va takliflar berilmoqda.

✅Xalq deputatlari O‘rta Chirchiq tuman Kengashi kotibiyati axborot xizmati!