Ijtimoiy obyektlardagi qurilish ishlari nazoratda

O‘zbekiston Respublikasi Prezidentining PQ-393-son qarori asosida Pastdarg‘om tumanida bir qator ijtimoiy obyektlarni rekonstruksiya qilish va qo‘shimcha binolar qurish bo‘yicha belgilangan dastur doirasida amaliy ishlar davom etmoqda.

“Namuna” tez tibbiy yordam shoxobchasi binosini rekonstruksiya qilish, mavjud binoni ta’mirlash hamda 1-tipdagi oilaviy poliklinika tashkil etish loyihasi bo‘yicha qurilish-ta’mirlash ishlari olib borilmoqda.

Xalq deputatlari Pastdarg‘om tumani Kengashi raisi B. Ochilov mazkur obyektda bo‘lib, qurilish jarayoni bilan yaqindan tanishdi.

O‘rganish davomida bajarilayotgan ishlarning sifati, loyiha talablariga muvofiqligi masalalariga alohida e’tibor qaratildi.

Shuningdek, mutasaddilar bilan suhbat davomida aholi uchun qulay va zamonaviy tibbiy xizmat ko‘rsatish sharoitlarini yaratish, qurilish ishlarini sifatli amalga oshirish hamda obyektni o‘z vaqtida foydalanishga topshirish yuzasidan tavsiyalar berildi.