Mahalliy Kengash deputatlarining faoliyati davom etmoqda

Mahalliy Kengash deputatlari faoliyatining eng muhim yo‘nalishlari bo‘yicha belgilangan 24 ta tavsiya asosida amaliy ishlar izchil olib borilmoqda.

Xalq deputatlari Andijon shahar Kengashi deputatlari A. Appaqov va R. Ahmadulin kotibiyat bosh mutaxassislari bilan birgalikda Andijon shahar 2-son sport maktabida bo‘lishdi.

Tashrif davomida sport maktabida sportni rivojlantirish, bolalarning yozgi ta’til davrida bo‘sh vaqtini mazmunli tashkil etish hamda sport bilan muntazam shug‘ullanishlari uchun yaratilgan shart-sharoitlar ko‘zdan kechirildi.

Ayni paytda sport maktabida 22 ta sport bo‘limi faoliyat yuritib, 1070 nafar o‘quvchi 60 nafar malakali trener rahbarligida mashg‘ulot olib bormoqda.

Shuningdek, muassasada barcha zarur sharoitlar yaratilgani, hudud to‘liq kuzatuv kameralari bilan jihozlangani hamda ochiqlik va shaffoflikni ta’minlash maqsadida elektron hujjat aylanish tizimi yo‘lga qo‘yilgani qayd etildi.