Sayyor qabul – fuqarolar murojaatlari e’tibor markazida

Sayyor qabul – fuqarolar murojaatlari e’tibor markazida

Xalq deputatlari Navoiy shahar Kengashi deputati, Navoiy shahar hokimi Dilmurod Ergashev 1-“Hayot” saylov okrugi hududidagi “Hayot” mahallasida istiqomat qiluvchi fuqarolar bilan sayyor qabul o‘tkazdi.

Qabul davomida aholini qiynab kelayotgan ijtimoiy-iqtisodiy masalalar, kommunal xizmatlar sifati, bandlik, tadbirkorlikni qo‘llab-quvvatlash, infratuzilmani yaxshilash hamda fuqarolarning kundalik hayotiga oid boshqa dolzarb murojaatlar tinglandi.

Har bir murojaat atroflicha o‘rganilib, ularni qonunchilik doirasida hal etish yuzasidan mutasaddilarga aniq topshiriq va ko‘rsatmalar berildi. Ayrim masalalar joyida ijobiy hal etilgan bo‘lsa, qo‘shimcha o‘rganishni talab qiladigan murojaatlar ijrosi nazoratga olindi.

Ta’kidlanganidek, fuqarolar bilan ochiq muloqot qilish, ularning muammo va takliflarini bevosita eshitish hamda amaliy yechim topish davlat organlari faoliyatining ustuvor yo‘nalishlaridan biri hisoblanadi.

Bunday sayyor qabullar aholining murojaatlarini o‘z vaqtida ko‘rib chiqish, mavjud muammolarni bartaraf etish va xalq bilan ochiq muloqotni yanada mustahkamlashga xizmat qilmoqda.