9-dekabr – “Xalqaro korrupsiyaga qarshi kurashish kuni” munosabati bilan talaba yoshlar ishtirokida davra suhbati bo'lib o'tdi

Termiz davlat pedagogika institutida korrupsiyaga qarshi kurashish hududiy Kengashi hamda institutning Korrupsiyaga qarshi kurashish "Komplayens nazorat" tizimini boshqarish bo‘limi tomonidan joriy yil dekabr oyi "Antikorrupsiya haftaligi" doirasida davra suhbati o'tkazildi.

Davra suhbatida korrupsiyaga qarshi kurashish hududiy Kengashi raisi o'rinbosari A.Axmedov, Oliy Majlis Senati a'zosi D.Suvonova, xalq deputatlari viloyat Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi G.Kravchenya, Termiz davlat pedagogika instituti rektori A.Xasanov, Viloyat prokuraturasi Uyushgan jinoyatchilik va korrupsiyaga qarshi kurashish bo'limi tergovchisi A.Xoliyorov, Viloyat Adliya boshqarmasi xodimi V.Nazarov, Viloyat Ichki ishlar boshqarmasi korrupsiya va iqtisodiy jinoyatlarga qarshi kurashish bo'limi xodimi J.Nafasov hamda talaba yoshlar ishtirok etdi.

Davra suhbatida ta'lim tizimida uchrayotgan korrupsiyaviy holatlar va ularning oldini olish borasidagi ishlar haqida ma'lumotlar berildi. Ta'lim muassasasi-ziyo, ma'naviyat va ma'rifat maskani bo‘lib, unda korrupsiya va shunga o‘xshash ko‘ngilsiz holatlar kuzatilmasligi haqida so‘z yuritildi.

Har bir xodim o‘z kasbi va xizmat vazifasiga halollik bilan yondashishi ta'kidlanib, ta'lim-tarbiya tizimi ochiq va shaffof tizimga aylanishi bo‘yicha amalga oshiriladigan chora-tadbirlar belgilandi.