Deputat saylov okrugida murojaatlarni qabul qildi

 Xalq deputatlari Bekobod shahar Kengashi 11-“Turkiston” saylov okrugii deputati O‘zLiDeP a’zosi Erkin Abduraxmonov “mahalla yettiligi” a’zolari ishtirokida deputatning murojaatlar (ko‘chama ko‘cha yurish) daftari bilan fuqarolar bilan uchrashdi va ularning murojaatlarini tingladi. Har bir murojaat “Ko‘chama ko‘cha yurish” daftariga qayd etilib, murojaat qilgan fuqaroning ismi, familyasi, murojaatning mazmuni va murojaatni yechimi bo‘yicha yo‘nalishlar belgilandi. Murojaatlar asosan bola nafaqasini tayinlash, moddiy yordam ko‘rsatish, ish bilan band etish va boshqa masalalardan iborat bo‘ldi. Har bir murojaat tegishli mas’ullarga yetkazildi hamda ijrosi nazoratga olindi.