Xalq deputatlari Olmazor tuman Kengashi raisi Sh.Umarxodjayeva 242-sonli umumta’lim maktabiga tashrif buyurdi

Xalq deputatlari Olmazor tuman Kengashi raisi Sh.Umarxodjayeva 242-sonli umumta’lim maktabiga tashrif buyurdi

⚡️ “Dolzarb 90 kun” dasturi doirasida Xalq deputatlari Olmazor tuman Kengashi raisi Sh.Umarxodjayeva va kotibiyat xodimlari B.Xoliqjonova, U.Shopotixov tomonidan 242-sonli umumta’lim maktabida o‘rganish ishlari olib borildi. Tashrif davomida yozgi ta’til davrida o‘quvchilarning bo‘sh vaqtini mazmunli tashkil etish, ularni turli to‘garak va ma’naviy-ma’rifiy mashg‘ulotlarga keng jalb etish borasida amalga oshirilayotgan ishlar bilan yaqindan tanishildi.

🌸 Jumladan, maktabda tashkil etilgan ijodiy va amaliy mashg‘ulotlar, zamonaviy axborot-kommunikatsiya texnologiyalaridan foydalangan holda olib borilayotgan dars jarayonlari hamda o‘quvchilar uchun yaratilgan shart-sharoitlar ko‘zdan kechirildi. O‘quvchilarning qiziqishlarini rivojlantirish, ularning iste’dodini qo‘llab-quvvatlash hamda yozgi ta’tilni samarali tashkil etish maqsadida olib borilayotgan ishlarga alohida e’tibor qaratildi.

🔖 Shuningdek, ta’lim muassasasidagi mavjud sharoitlar, o‘quv xonalari jihozlanishi, ma’naviy-ma’rifiy muhit va o‘quvchilarning bandligini ta’minlash bo‘yicha amalga oshirilayotgan ishlar yuzasidan mas’ullarga tegishli tavsiya va topshiriqlar berildi hamda mazkur yo‘nalishdagi ishlarni doimiy nazoratga olish belgilandi.