Bugun Xalq deputatlari Yangiyer shahar Kengashi deputati Urumbayeva Mukaddas Yuldashbayevna Shodiyona mahallasida istiqomat qilayotgan fuqarolar bilan uchrashib, mavjud muammo va takliflarni xonadonma-xonadon o‘rgandi.

Aholida mavjud muammolar atroflicha tahlil qilinib, fuqarolarning murojaat va takliflari tinglandi. Jumladan, hududdagi ichimlik suvi tarmoqlarini yangilash, qo‘shimcha tungi yoritish chiroqlari hamda kuzatuv kameralarini o‘rnatish, shuningdek, obodonlashtirish ishlarini jadallashtirish yuzasidan mas’ullarga aniq vazifalar belgilab berildi.