Payshanba — “Yoshlar kuni” doirasida rahbar va yoshlar uchrashuvi bo‘lib o‘tdi!

Xalq deputatlari Andijon shahar Kengashi deputati G. Ismailova Axborot-kutubxona markazida kitobxon yoshlar bilan uchrashib, ochiq muloqot o‘tkazdi.

Uchrashuv davomida bugungi kunda kitobxonlik madaniyatini rivojlantirish davlat siyosatining muhim yo‘nalishlaridan biri ekani, yoshlar o‘rtasida kitobga bo‘lgan qiziqishni oshirish borasida amalga oshirilayotgan ishlar hamda yaratilayotgan imkoniyatlar haqida so‘z yuritildi.

Shuningdek, yoshlarning kutubxonada dars tayyorlashlari, axborot resurslaridan samarali foydalanishlari, madaniy hordiq chiqarishlari uchun yaratilgan sharoitlar yuzasidan ularning fikr va takliflari o‘rganildi.

Kitobxon yoshlar o‘z tashabbuslari va innovatsion g‘oyalarini bildirib, kitobxonlikni yanada rivojlantirish bo‘yicha takliflarini yozma ravishda taqdim etishga kelishib olindi.

Bunday samimiy uchrashuvlar yoshlarning intellektual salohiyatini oshiradi.