Jaslar máslahát toparınıń gezektegi májilisi ótkerildi.

Búgin deputatlar xanasında, Xalıq deputatları Taxtakópir rayonlıq Keńesi janındaǵı Jaslar máslahát toparınıń gezektegi májilisi ótkerildi.
Ushırasıwda Xalıq deputatları Taxtakópir rayonlıq Keńes sekretariatı baslıǵı T.Jusipov, Keńes janındaǵı "Sociallıq taraw, jaslar siyasatı, mádeniyat hám sport máseleleri" turaqlı komissiyasınıń baslıǵı Q.Jaliev, rayonlıq Keńes deputatları hám Jaslar másláhát toparınıń aǵzaları qatnastı.
Májilis dawamında jaslarǵa tiyisli mámleketlik siyasattı ámelge asırıw, jaslardıń sociallıq-siyasiy belsendiligin arttırıw, olardı qollap-quwatlaw, sonday-aq, jaslar arasında ushırasıp atırǵan mashqalalardı anıqlaw hám olardı sheshiw boyınsha usınıslar islep shıǵıw máseleleri talqılandı.
Sonday-aq, deputatlar menen jaslar ortasındaǵı «Ustaz–shákirt» sistemasın jáne de jetilistiriw, jaslardı jámiyetlik-sıyasıy processlerge keńirek tartıw, olardıń baslamaların qollap-quwatlaw boyınsha pikir almasıldı.
Májilis juwmaǵında aldaǵı waqıtlarda ámelge asırılatuǵın wazıypalar belgilenip, tiyisli sheshimler qabıl etildi.