Deputat tomonidan PQ-153-son qarori va Kengash qarori ijrosi nazorat qilindi

Xalq deputatlari Zarbdor tuman Kengashiga 13-Adirobod saylov okrugidan saylangan deputat, Budjet masalalari bo‘yicha doimiy komissiya raisi o‘rinbosari Sanobar Keldibekova tomonidan O‘zbekiston Respublikasi Prezidentining 2024-yil 4-apreldagi PQ-153-son qarori hamda Xalq deputatlari Zarbdor tuman Kengashining VII-27-79-3-49-K/26-sonli qarori ijrosi yuzasidan o‘rganish olib borildi.
📍 O‘rganish davomida Adirobod mahallasi hududida yoshlarga ajratilgan qishloq xo‘jaligi yer maydonlaridan samarali foydalanish, ularni sug‘orish infratuzilmasini yaxshilash hamda qarorlarda belgilangan vazifalarning ijrosi ko‘zdan kechirildi.
💧 Xususan, 32 nafar yoshga ajratilgan yer maydonlarini suv bilan ta’minlash maqsadida artizan qudug‘ini qazish bo‘yicha amalga oshirilayotgan ishlarning borishi, sifati va belgilangan muddatlarda bajarilishi holati nazorat qilindi.
✅ O‘rganish yakunida qarorlar ijrosini o‘z vaqtida va sifatli ta’minlash, yoshlar uchun yaratilayotgan imkoniyatlardan samarali foydalanish hamda amalga oshirilayotgan ishlar samaradorligini yanada oshirish yuzasidan tegishli tavsiyalar berildi.