Xalıq deputatları Bozataw rayonlıq Keńesi májilisler zalında qospa májilis bolıp ótti

Xalıq deputatları Bozataw rayonlıq Keńesiniń májilisler zalında Korrupciyaǵa qarsı gúresiw, sociallıq taraw, jaslar siyasatı, mádeniyat hám sport máseleleri boyınsha turaqlı komissiyası hám Reglament hám deputatlıq ádep-ikramlılıǵı máseleleri boyınsha turaqlı komissiyası aǵzaları qatnasında qospa májilis ótkerildi.

Májilis dawamında turaqlı komissiyalar tárepinen alıp barılıp atırǵan jumıslar, aldaǵı wazıypalar hám gezektegi sessiya májilisine usınılatın máseleler keń túrde dodalandı.

Sonday-aq, deputatlıq qadaǵalawın kúsheytiw, puqaralar múrájatların óz waqtında kórip shıǵıw hám tarawlar boyınsha nátiyjelilikti arttırıw máselelerine ayrıqsha itibar qaratıldı.

Májilis juwmaǵında kórilip shıǵılǵan máseleler boyınsha tiyisli usınıslar islep shıǵılıp, aldaǵı wazıypalar belgilep alındı.